Ek het die Donderdagaand in Johannesburg geland en ek moet se, dit is nogal eienaardig om so op die lughawe te land en jy weet nie eers hoe die bruid en bruidegom lyk wat jy die volgende dag afneem nie.

Ek het gewag vir my tassies en Henrike se vriendin wat my kom optel het, het vir my ‘n gerusstellende sms gestuur om te se hulle wag vir my en sy het spesiaal ‘n pienk hemp aangetrek sodat ek haar dadelik kan herken. Daarna het hulle my gaan aflaai waar ek vir die aand sou oorslaap. Ek het lanklaas sulke gasvryheid beleef! (Laas in Soedan dink ek…en my ouers natuurlik!)

Dit was laat, maar daar is vir my gewag, my kamer gestock met toebroodjies sonder korsies, ‘n houer met yskoue water, die heerlikste druiwe, sjokolade balletjies en alles wat ek verder aan kon dink wat ek moontlik kon nodig he.

Die volgende dag het ek vir Henrike ontmoet en dit was weird, maar dit het gevoel of ek haar al lank moes ken. Johannesburg het my heeltemal van my voete af geklits. Johannesburg en Pretioria is ‘n blur vir my. Ja, ek is ‘n regte egte kapenaar en hier verras dit my so.

By die troue self is daar soveel maal gevra of ek alles het wat ek nodig het, of ek al geeet het, of ek baie hard werk ens ens.

Eintlik wil ek net se, iets wat nogal scary kan uitdraai was ‘n fees. Dis vir my snaaks dat ek nie sommer net ‘n kuiertjie sal kan reel as Andre en Henrike se foto’s afgehandel is en hulle dit kan kom kry nie. DHL sal maar die ding moet doen. Dankie André en Henrike dat ek julle dag kon deel en dat julle gasvryheid my voete onder my uitgeslaan het. Julle het warm harte en dit straal as deel van julle menswees uit. Blessings vir julle huwelik, saam met God gaan julle nog soveel adventures he wat ander se lewens gaan aanraak.

By die chapel se venster uit geneem.

Venue: Memoire Johannesburg